ખરેખર સ્કૂલમાં આવવું જોઈએ કે ગુજરાતી

 પ્રસ્તુત વીડિયોમાં આર કે કલઠીયા દ્વારા અશોક વ્યાસને પ્રશ્ન પૂછવામાં આવે છે કે બાળકના ઉછેર માતૃભાષામાં થાય છે અને માતા પિતા તેને અંગ્રેજી માધ્યમમાં ભણાવવાની  ઈચ્છા રાખે છે.શું તે યોગ્ય છે?

• તેમના પ્રશ્નના ઉત્તરમાં અશોક વ્યાસ જવાબ આપે છે કે માતા પિતા માને છે કે બાળક અંગ્રેજી માધ્યમમાં અભ્યાસ કરશે તો વિકાસ થશે અને ગુજરાતી માધ્યમમાં અભ્યાસ કરશે તો નબળો રહી જશે.

• અંગ્રેજી માધ્યમમાં ભણાવવાનું મુખ્ય કારણ બાળક અંગ્રેજી  બોલતું થાય.

રવિન્દ્ર પારેખ ની કવિતા :-

જો આજે ઈશ્વર જન્મ ધારણ કરે તો તે ઈશ્વરને પણ તેના માતા-પિતા અંગ્રેજી માધ્યમમાં જ દાખલ કરે.

નાના મોટા ટાબરીયા ચાલ્યા પેલી બીજીમાં હરી ચાલો કેજીમાં...........

હરી ચાલો કેજીમાં.......... 

હરિ તમારું નામ જૂનું છે હરિનું કરીએ હેરી.... 

ફેશન હોય રો હાઉસની અને તમે શોધતા શેરી........ 

મેગી ફેગી ખાઈ લો થોડી કશું નથી લીલી ભાજીમાં હરી ચાલો કેજીમાં..............

માંડ કરીને કર્યું તમારા એડમિશનનું પાકું...... 

આ સ્કૂલો ડોનેશનમાં ના પાડે વાતે વાતે વાંકુ.....

 દફતર કરતા પણ ઓછું હરી તમારું વેઈટ......... 

અને તમે રડવા બેઠા છો....... 

હરી ચાલો કેજીમાં....

કેજી પીજી ના કરીએ તો પડીયે કશું નહીં અર્થ પહેલાના નેતા કે મહેતા કે જી નહીં તો વ્યર્થ... 

છતાં મોહન બદલાયો ગાંધીજીમાં......... 

હરી ચાલો કેજીમાં........

• બાળકને ભણાવીએ છીએ શા માટે:-
  
  
  

1.  સારા જીવન ધોરણ માટે- કેળવણી
2.  બાળકનો વિકાસ થાય અને  જીવવાની દ્રષ્ટિ પ્રાપ્ત થાય.
3.   આજકાલ માતા પિતા બાળકોને અંગ્રેજી માધ્યમમાં શા માટે મોકલે છે કારણ કે બાળક  ને અંગ્રેજી સારું આવડે,
4.  પાઠ્યપુસ્તકનું જ્ઞાન પ્રાપ્ત થાય.

• આપણે જ્યાં જન્મ લઈએ છીએ  ત્યાંથી જન્મની સાથે જ કેટલાક લક્ષણો આવી જાય છે જેમ કે ,

માછલીને તરતા શીખવું પડે ? 

વાંદરા અને કુદતા શીખવું પડે?

• બાળક જન્મે છે ત્યારથી તે પોતાની આસપાસની ભાષા સાંભળે છે તે ભાષા તેની અંદર ગઈ છે એટલે તેનો શરીર ગુજરાતીમાં તૈયાર થયું છે. તેથી તે ગુજરાતી  સરળતાથી બોલી શકે છે.
• માતૃભાષામાં શિક્ષણમાં રસ પડશે બીજા માધ્યમમાં સમજવામાં મુશ્કેલી પડે છે.
•  આપણા દેશને છોડીને તમામ લોકો માતૃભાષામાં જ ભણે છે .

જર્મનીના લોકો જર્મન શીખે છે

 પેરિસના લોકો ફ્રાન્સ શીખે છે.

•  તેમ છતાં તેમને અંગ્રેજી બોલવાની ક્ષમતા હોય છે.
•    સર્જન કરવું, વિચારવાની ક્ષમતા આવડત અને સમજ એ માતૃભાષા દ્વારા જ પ્રાપ્ત થાય છે.

 ભાષા સંસ્કૃતિ સાથે જોડે છે.( મૂળ)

 સંસ્કૃતિ વગર વિકાસ ન થાય.

•  મા બાપને  અંગ્રેજી આવડતું હોય તો અંગ્રેજી માધ્યમમાં મૂકે તો સારું કહેવાય કેમ કે તેમને ઘરમાં પણ અંગ્રેજી વાતાવરણ મળી રહેવાનું છે.

 ઉદાહરણ 

 મોહન રાજ પ્રોફેસર તે મૂળ કન્નડનો છે તેની પત્ની તેલગુની છે અને તેનો છોકરો ગુજરાતનો છે તો તે ગુજરાતી મીડીયમમાં અભ્યાસ કરે છે અને ત્રણેય લોકો જ્યારે વાતચીત કરે છે ત્યારે તે અંગ્રેજી માધ્યમ નો ઉપયોગ કરે છે.

•  પોતાની સંસ્કૃતિની ખબર હશે તો બીજાની સંસ્કૃતિને સમજી શકશો.
•   જે માધ્યમમાં બાળક ઉછર્યો છે તે માધ્યમમાં જ બાળકને ભણાવવો જોઈએ.

ગુજરાતીમાં શિક્ષણ મેળવ્યું તો અંગ્રેજીમાં પાછળ રહી જશે તો ?

 "અંગ્રેજી નો પ્રભાવ પણ નહીં ચાલે અને અભાવ પણ નહીં ચાલે"

•  બધા દેશના લોકો માતૃભાષામાં ભણે છે અને અંગ્રેજી સારું હોય છે.
•  જેની માતૃભાષા સારી હશે તેની જ બીજી ભાષા સારી હશે કારણ કે બંને ભાષામાં  તુલના થાય અને આમાં આવું છે ...અને આમાં આવું કેમ નથી ?

 ઉદાહરણ તરીકે

 મારો કાન         my ears

મારી આંખ        my eyes

મારુ નાક           my noise

•  અંગ્રેજી સહેલું છે.
•  કોઈપણ વસ્તુ આપણે સાંભળી અને જોઈને શીખીએ છીએ.

 ઉદાહરણ :- 

વેકેશનમાં બાળકને   સ્પોકન ઈંગ્લીશમાં મૂકવામાં આવે છે પરંતુ ત્રણ મહિનામાં તેનામાં કોઈ ફેરફાર થતો નથી.

•  ભાષા શીખવા માટે 120 કલાક જોઈએ. પહેલા ધોરણથી યુનિવર્સિટી સુધીના અભ્યાસમાં આપણે 15 વર્ષ વિતાવ્યા તેમ છતાં આપણો પ્રશ્ન એ જ છે કે અંગ્રેજીમાં તકલીફ પડે છે.
• અંગ્રેજી શીખવા માટે વાતાવરણ જરૂરી છે એવું નથી પરંતુ તેને આપણે સાંભળીને શીખી શકીએ છીએ જે સાંભળશું તે નીકળશે.

અશોક વ્યાસ તેમની વાત રજૂ કરે છે કે તેઓ ગુજરાતીમાં ભણ્યા અને કેમ્બ્રિજના  એક્ઝામિનર તરીકે કામ કરે છે અને સ્પીકિંગ ટેસ્ટ ના  એક્ઝામિનર તરીકે ફરજ બજવી રહ્યા છે.

•  અંગ્રેજી શીખવા માટે ગ્રામર આવડવું જરૂરી નથી. આપણને ગુજરાતી શીખવા માટે ગ્રામર ની જરૂર નથી પડી.
•  આપણે ભાષાંતર દ્વારા શીખવાનો પ્રયત્ન કરીએ છીએ તેના કારણે મુશ્કેલી અનુભવવામાં આવે છે એક એક શબ્દનું ભાષાંતર કરવા જઈએ ત્યાં તો સમય ઘણો વ્યર્થ થાય છે જેવી રીતના આપણે ગુજરાતી બોલવા માં  શબ્દોને યાદ કરવા પડતા નથી તેવી જ રીતે અંગ્રેજી બોલતી વખતે થવું જોઈએ. ભાષા હોય તો બોલી  શકાય છે.

 ઉદાહરણ 

 ખીચડી માટે આપણે મગદાળ અને ચોખાને કુકરમાં નાખ્યા છે તો જો કુકર ફાટશે તો પણ તેમાંથી ચોખા અને મગદાળ જ નીકળવાની છે.

•  તેવી જ રીતે જેટલું અંગ્રેજી આપણી અંદર જશે તેટલું જ અંગ્રેજી બહાર નીકળશે.
•  અંગ્રેજી શીખવાની રીત યોગ્ય હોવી જોઈએ જેનું ગુજરાતી સમૃદ્ધ છે તેનો અંગ્રેજી સારુ.

 ઉદાહરણ ;-

1.  ડોક્ટર રાજેન્દ્રસિંહ જાડેજા
2.  ડોક્ટર જગદીશ દવે
3.  સુલભા નટરાજ
4.  પિયુષ જોષી
5.  મોહન રાજ

•  ટીવી મોબાઇલ લાઇટ વગેરેનું સંશોધન જે છે આપણા દેશમાંથી નથી થયું.
•  ગોખણપટ્ટીના જ્ઞાનથી કંઈ નવું સર્જન થતું  નથી. માતૃભાષા દ્વારા આપણને સમજ પ્રાપ્ત થાય છે, અમુક લોકો ઓછું ભણ્યા હોવા છતાં પણ અંગ્રેજી બોલી શકે છે. 

ઉદાહરણ

 હું લેટ થઈ ગયો.

•  માછલી પાણીમાં રહે છે જો તેનું માધ્યમ બદલવામાં આવે તો તે મરી જાય છે.
•  આપણે કપડાં બદલી શકીએ છીએ પરંતુ શરીર બદલી શકાતું નથી.
•  આંખ અને ચશ્માનો ઉદાહરણ આપવામાં આવ્યું છે જેમ કે ગુજરાતી જે છે એ આપણી આંખ એટલે કે મૂળ છે અને ચશ્મા એ અંગ્રેજી એટલે કે વધારાની ભાષા છે.
•  જેમની પાસે વધુ ભાષા છે તે વધુ તેજસ્વી છે એવું માનવામાં આવે છે પણ પહેલા મૂળ ભાષા આવડવી જોઈએ.
•  મમ્મી અને માસીમાં કોણ વધુ પ્રેમ કરશે મમ્મી.
•   માં શબ્દમાં સ્નેહ રહેલો છે ત્યારે મમ્મી મધર એમાં સ્નેહ રહેલો નથી.

 ટૂંકમાં કહેવું હોય તો આપણે ફક્ત એટલું જ કહી શકીએ કે કોઈપણ બાળકને શિક્ષણ પહેલા તેની મૂળ ભાષામાં જ આપવું જોઈએ એટલે કે તેની માતૃભાષામાં તેને શિક્ષણ આપવું જોઈએ જો તેને માતૃભાષામાં શિક્ષણ આપવામાં સફળતા પ્રાપ્ત થશે અથવા તો તે પોતાનો માતૃભાષાનો શિક્ષણ યોગ્ય રીતે લઈ લીધું હશે તો જ તે અન્ય ભાષાનું શિક્ષણ સારી રીતે મેળવી શકશે.